Répondè :

(Zanfan si-w vwè papa mò téré li anba tono-la)

—

Téré papa anba tono-la 

Tout ti gout ki ka dégouté pou-y dégouté an gòj a papa

—

Téré papa, téré papa, téré papa  anba tono-la 

—

Lè papa zòt ké mò

Zòt ké alé a ka labé-la

Zòt ké di-y monpè

Papa té di nou 

Lè ou vwè ké mò

Téré li anba tono-la

Labé ké pran chaplé a-y

I ké vini a ka papa

I ké fè onondipè èvè chaplé a li

I ké di zòt :

Janvyé, févriyé, maws, avril

Mété an gèl a papa

Téré papa anba tono-la 

Tout ti gout ki ka dégouté pou-y dégouté an gòj a papa

Labé ké pran chaplé a-y

I ké vini koté a papa

Pou i chanté on libéra

I ké mété ka chanté :

Sé kli a wòm sé wòm

Sé kli a wòm sé wòm

Amène au tombeau rhum

I ké pran on vè wonm

Pou-y pé li tonn-la

Voyé-y a si sèwkèy-la

Zò pa bizwen okipé zòt

Vè wonm-la i voyé la

I ka tonbé an gòj a papa

Téré papa, téré papa, téré papa anba tono-la 

Tout ti gout ki ka dégouté pou-y dégouté an gòj a papa

Téré papa anba tono-la 

Tout ti gout ki ka dégouté pou-y dégouté an gòj a papa

Wo, sé kli a wòm sé wòm

Sé kli a wòm sé wòm

Amène au tombeau rhum

Domino sé kli a wòm

Domino sé kli a wòm

Labé ké pran on ti vè wonm

Voyé-y a si sèwkèy-la

Zò bouzwen kòlè

Zò pa bouzwen faché

Vè wonm-la i voyé la

I ka tonbé an gòj a papa

(Robert Loison)