Manman an kalé mayé pa okipé-w dè nòs an-mwen
Répondè :
(Manman an kalé mayé pa okipé-w dè nòs an-mwen)
Manman pa mélé-w adan nòs an
Ou ké fè labé-la mal mayé mwen
Répondè mèt zòt dakò èvè mwen
Ban mwen on bèl rèpriz mwen jwé èvè zot
Lé tanbouyé konnyé ka-la ban-mwen
Ou ké fè labé-la mal mayé mwen
Manman pa mélé-w adan nòs an-mwen
Ou ké fè labé-la mal mayé mwen
Manman si-w mélé-w adan nòs an-mwen
Ou ké fè labé-la mal mayé mwen
Wo, lendi bo maten
Pran loto an désann Lapwent
Lè ou vwè Lapwentapit
Mwen ay ka misyé Bata
Bonjou misyé Bata
Boujour mon enfant, bonjour
Mon enfant que désirez-vous
Ay misyé mwen kalé mayé
An bèzwen on pè soulyé
I di mwen ki pwenti an-mwen
An di li karann-kat
I lonji mwen on pyé
On soulyé sérémoni
On soulyé a bout pwenti
An miziré soulyé an-mwen
An santi an ja ka mayé
Misyé konmen lajan
I di mwen 1000, 3000f
Ay misyé Bata an vin é tou sa lajan
An ké ba-w 500f
An ké ban-mwen koté dwat-la
Jédi apré midi an alé konvès
Lè ou vwè an ké sòti a konvès
An ké pran loto vin a kaz a-w
An ké pòté 500f ba a-w
Ou ké ban-mwen koté gòch-la pou mwen mayé sanmdi apré midi
Wo, mwen alé a Pwentapit
An pa ni lajan ankò
Lajan an té ni ja fin
An doubout asi kannal
An ka atann loto Moul
An ka tann vagabon ban-nou lè
Vagabon ban-nou lè
Vagabon ban-nou lè
An ka vwè sé misyé Bobwa
É gran loto ay la
Ay misyé Bobwa
Avwa la manité
Avwa la probasyon
Ou ké ban mwen on pasaj loto
An désann la Pwenpit
An pa ni lajan ankò
Mayé mwen kay mayé
Lè ou vwè an ké sòti mayé
An ké alé travay
Lè ou vw’an touché lajan an-mwen pou pé ba-w lajan a loto a-w la
(Robert Loison )